నీటి తలతన్యతను తెలుసుకొందాం.

ద్రవపదార్ధాలకు ఉండే ముఖ్యమైన లక్షణాలలో తలతన్యత ఒకటి.నీటి అణువుల మధ్య వుండే ఆకర్షణ బలాల వలన ఇలా జరుగుతుందనుకుంటాను.

నీటి బిందువులు ఏర్పడటానికి కూడా ఇదే కారణం.

ఇది ద్రవాలకు ముఖ్యంగా నీటికి గల ఒక ప్రత్యేక 

భౌతికధర్మం. దీనివలన నీటిబిందువులు ఎప్పుడూ 

గుండ్రంగా ఉంటాయి. కాని పెద్ద మొత్తంలోని నీటి ఉపరితలం గురుత్వాకర్షణ బలాల కారణంగా ఒక నున్నని సమతలంగా ఏర్పడుతుంది. ఈ నీటి పైపొర సాగదీసిన రబ్బరు మాదిరిగా ‘స్థితిస్థాపక’ ధర్మాన్ని కలిగి ఉండి కొంత భారాన్ని మోయగలిగే గుణం కలిగి ఉంటుంది. చిన్న కీటకాలు, దోమలు, పురుగులు నీటిపై స్వేచ్ఛగా నడవగలగటానికి కారణం నీటి తలతన్యత.

కొవ్వొత్తులతో చిన్న ప్రయోగం

ఈ ప్రయోగం ద్వారా మూడు విషయాలు చెప్పవచ్చు.

1.మండడానికి గాలి అవసరం.

2.వేడి చేసినప్పుడు గాలి వ్యాకోచిస్తుంది.

3. గాలి అధిక పీడన ప్రాంతాలనుండి అల్పపీడన 

ప్రాంతాలకు ప్రయాణిస్తుంది.

ఎక్కువ  కొవ్వొత్తులు వెలిగించినపుడు ఎక్కువ నీరు 

లోపలికి వెళ్లడానికి కారణం మండడానికి ఆక్సిజన్ 

ఉపయోగ పడడంకంటే, వేడి కారణంగా గాలి వ్యాకోచించి 

గ్లాస్ నుంచి బయటకు వచ్చేయడం కూడా ఒక 

ముఖ్యమైన కారణమే.

ఆ విధంగా గాలి బయటకు రావడం వలన గ్లాస్ లో 

అల్పపీడన ప్రాంతం ఏర్పడుతుంది.

అప్పుడు బయటి గాలి లోపలికి వెళ్లడానికి 

ప్రయత్నిస్తుంది.

కానీ నీరు అడ్డుగా వుండడంవలన నీటిని గ్లాస్ లోపలకు 

గాలి నెట్టివేస్తుంది.

కొన్ని పాఠ్యపుస్తకాలలో గాలిలో ఆక్సిజన్ శాతం 

తెలుసుకోవడానికి ఈ ప్రయోగం ఉదహరించారు.

కాని అది సరి కాదనుకుంటాను.

                                           (video taken from aravind guptha channal)